LEMOS AOS MÁIS PEQUENOS!!

Desde o Equipo de Dinamización retomamos con grande ilusión, logo do parón da pandemia, a actividade LEMOS AOS MÁIS PEQUENOS. 

Esta actividade que este curso levamos a cabo na hora de ler dos luns consiste na invitación ao alumnado de 5º e 6º de primaria para que, voluntariamente, lles lean aos nenos e nenas de educación infantil e 1º de primaria diferentes lecturas, preferentemente, na nosa lingua.

Igualmente anímaselles a preparar ditas lecturas, ben dramatizando, agasallando con algún detalliño aos peques ou animándoos a ilustrar o conto lido.

O certo é que se agradece o esforzo destes mozos e mozas que, vencendo a vergoña destas idades, se animan a transmitir o valor dos contos aos máis pequerrechos do cole. Eles agradécenllelo moitísimo.

ABONDA CON VER AS SÚAS CARIÑAS!.