![http://www.lingua.gal/letras-galegas/contido_0056/2018-maria-victoria-moreno](https://lh3.googleusercontent.com/blogger_img_proxy/AEn0k_tO8bDJKHVsG3MqvseBeik9V6K5YdPiBTJJZWvlorxGqHjcL-MAPChdMzcv_P83TWLVe_vE2fbW9RkLCe9BBEJ3RC6oMYyCVBiIWrIHYC9G4p-lrSajkageQfo=s0-d) |
PREME NA IMAXE (PORTAL DA LINGUA GALEGA) |
Ana María Victoria Moreno Márquez naceu en Valencia de Alcántara (Cáceres) o 1 de maio de 1939. Pontevedresa de adopción,chegou a Galicia en 1963, con só 22 anos, e axiña asumiu a cidadanía en galego, a lingua que escolleu tanto para as súas obras narrativas infantís e xuvenís, como para os seus estudos literarios, o ensaio, a poesía e a didáctica da lingua e da literatura galegas. Isto permítenos definila como "galega de elección".
En 2018 é a figura protagonista do Día das Letras Galegas e isto convértea na cuarta muller -tras Rosalía de Castro, Francisca Herrera Garrido e María Mariño- que leva ese recoñecemento nos 55 anos da historia da celebración.
María Victoria foi elixida pola súa contribución á literatura galega, fundamentalmente dirixida aos máis novos. Profesora por vocación, partícipe da vida cultural e política, centrou a súa obra narrativa principalmente nos cativos e nos mozos, o seu alumnado, para quen tamén investigou na didáctica da lingua e da literatura galega.
Premede nas imaxes, para saber máis desta autora e da súa obra literaria.
![https://academia.gal/letras-actual](https://lh3.googleusercontent.com/blogger_img_proxy/AEn0k_sGzHTEUVuZ--8Rs-4qWu-C4M5xZhI_wDcVcGhOAX-yHdaA7d8E4taW3ybJ_vGpHEcGMyfH7mFCEk6PwKC2h0w3Mt2c7A2TYa3ucpCa2BqVc1_1WGvYoPRAqiw45y_E9BRifonSHNs=s0-d) |
PREME NA IMAXE (REAL ACADEMIA GALEGA)
![Resultado de imagen de MARIA VICTORIA MORENO](https://upload.wikimedia.org/wikipedia/commons/thumb/e/e9/Mar%C3%ADa_Victoria_Moreno_%28pop_art%29.png/220px-Mar%C3%ADa_Victoria_Moreno_%28pop_art%29.png)
PREME NA IMAXE ( EDITORIAL GALAXIA)
|
![http://www.lingua.gal/c/document_library/get_file?folderId=2994573&name=DLFE-13611.pdf](https://encrypted-tbn0.gstatic.com/images?q=tbn:ANd9GcSxVo9gRQnmDi2BFOwz3j3z6pcs9IbBkBMd-8YeZPBC83b_hDU7) |
PREME NA IMAXE (XUNTA DE GALICIA) |
![](https://upload.wikimedia.org/wikipedia/commons/thumb/7/75/Anagn%C3%B3rise._Mar%C3%ADa_Victoria_Moreno._Biblioteca_Galega_120.JPG/200px-Anagn%C3%B3rise._Mar%C3%ADa_Victoria_Moreno._Biblioteca_Galega_120.JPG) |
PREME NA IMAXE (GALIPEDIA) |
¡XA NON TEÑO MEDO! (fragmento)
Eu durmo na bufarda
porque son malo,
porque esperto de noite
e porque falo.
Mais mamá dixo
que podía chamala
de ser preciso.
* * *
Anque os primeiros días
pasei ben medo
coas sombras, cos ruídos
e co silencio,
souben axiña
que a noite é unha festa
moi divertida.
* * *
Cando a nai mata as luces
nace un silencio
que é redondo e escuro,
mais non dá medo
Cómpre afacerse
e as faíscas e as voces
logo aparecen
* * *
O reloxo da sala
óese ao lonxe
e eu agardo entre as sabas
que cante as doce,
para que saian
os diabriños que viven
na miña casa.
* * *
No armario máis pequeño
teño tres gatos,
un canciño de seda
e dez lagartos.
Dormen de día
e polas notes traman
mil ousadías