15/11/22

SAMAÍN NOUTRAS PARTES DO MUNDO

O alumnado de 5º e 6º de Educación Primaria encargouse de investigar sobre a celebración do Samaín noutras partes do mundo. Con toda a información que recompilaron, elaboraron este xeitoso mural sobre un mapa mundi.









25/10/22

 BENVIDO OUTONO!

O alumnado de Educación Infantil da a benvida á nova estación decorando o corredor con motivos propios desta época do ano.

Os nenos e nenas de 3 anos elaboraron follas de outono, os de 5 anos fixeron mazorcas de millo e os de 4 anos esquíos e ourizos. Aquí tedes unha mostra do seu traballo. 








13/6/22

REVISTA ABRENTE

 Como cada ano, sae á luz a Revista Abrente na súa 41 edición, con moitas das actividades que se levaron a cabo durante este curso nas diferentes aulas, centradas na temática do PDI, que leva por título + Arte ( e é que hai moitas formas de traballar a arte: con roupa, mediante obras de teatro, lectura, poesía, arquitectura...). Tamén se centra esta edición da revista nas diferentes conmemoracións que tiveron lugar ao longo deste ano ( Día da Paz, Día Internacional da eliminación da violencia contra a muller, Día Internacional da muller...), así como as actividades que se levaron a cabo polos diferentes especialistas do centro (Departamento de Orientación, Inglés, Educación Física...).

Vémonos para o curso que vén con máis actividades interesantes.

Agardamos que vos guste!

Feliz Verán!

REVISTA ABRENTE

17/6/21

REVISTA ABRENTE

Aquí vos deixamos a Revista Abrente, con moitas das actividades do PDI deste curso, que leva por título: "Pontedeume, a nosa vila", e  algunhas conmemoracións que se levaron a cabo ao longo deste ano.

Agardamos que vos guste!

Vémonos o curso que vén con máis propostas!

Feliz Verán!

 


22/12/20

ALMANAQUES DE PETO

A temática dos almanaques de peto para este curso foi "Pontedeume: a nosa vila". Participaron tódolos alumnos e alumnas de Educación Primaria, e o alumnado de 6º de EI. O resultado non poido ser máis bonito.
Compartimos unhas fotos dos almanaques e do alumnado gañador. Ademáis, con todos os debuxos fixemos varios libros que quedarán para o fondo da Biblioteca de Güino.
Desde o Blog A Casqueira agardamos que pasedes unhas Boas Festas.

































23/11/20

SAMAÍN, MAGOSTO E PEÓN

Desde o Equipo de dinamización da Lingua Galega, dámosvos a benvida un ano máis a este recunchiño no que iremos publicando as diferentes actividades e propostas que se irán realizando ao longo do curso.
Comezamos cos vídeos do Magosto, Samaín e Peón, que resumen o traballo elaborado en cada unha das aulas do centro. Para isto, dividimos o traballo en ciclos: en Educación Infantil elaboraron uns cadernos con ilustracións sobre o peón (3 anos), o Outono (4 anos) e os nenos e nenas de 5 anos fixeron un debuxo sobre un conto de medo. No primeiro ciclo de Educación Primaria traballaron sobre refráns e ditos relacionados co peón. O segundo ciclo sobre a tradición e orixe do Magosto, e os alumnos e alumnas do terceiro ciclo elaboraron contos de medo. Todo este material quedará recollido na Biblioteca do centro e estará a disposición do alumnado.
Deixamos uns vídeos para que vexades o resultado.
Agardamos que vos guste!









14/1/20

DECEMBRO, NO TABOLEIRO DA LINGUA


No mes de decembro, os nenos e nenas de cuarto de primaria cóntannos a historia de Julia, unha nena que con sete anos presentou o seu primeiro libro chamado Pink: El País de Julia.

Esperamos que vos guste!




6/12/19

O TABOLEIRO DA LINGUA: NOVEMBRO!

Neste mes, os encargados de elaborar o Taboleiro da Lingua, que como xa sabedes ten como tema "Igualdade" foron os alumnos de quinto de primaria. Para elo, tiveron a gran sorte de ter de convidado a Xoán, avó dunha alumna de dito nivel. Xoán foi un gran exemplo de superación e ganas de vivir para os nen@s, e, sobre todo, de ilusión. Aquí vos quedan unhas fotos do seu encontro e o resultado do pequeno traballo feito con eles.
de ilusión. Aquí vos quedan unhas fotos do seu encontro.

David Mouriz visita ao alumnado de 5º e 6º


Tralo traballo realizado polos nenos e nenas de 6 de Primaria para o Taboleiro da Lingua sobre David Mouriz, o pasado 25 de Novembro tivemos a sorte de disfrutar del no colexio. David, xogador profesional do Bidaideak (Bilbao) de baloncesto sobre cadeiras, falou cos nosos nenos e nenos sobre o proceso de recuperación que tivo que levar a cabo, e como, no baloncesto, desfruta sen ningún tipo de limitación. Moitas grazas David pola túa visita!
 
 
             

3/11/19

O TABOLEIRO DA LINGUA: OUTUBRO!

Durante este ano académico no Taboleiro da Lingua, aproveitando o PDI deste curso que ten por tema " A Igualdade", cada nivel de Educación Primaria e Infantil elaborará un pequeno traballo sobre algunha persoa da contorna máis próxima ao centro que, a pesar dalgunha situación desfavorable ao longo da súa vida, seguiu adiante e logrou superala satisfactoriamente. Os traballos faranse en Galego e a asignación por meses será a seguinte:


  • Outubro: 6º Primaria
  • Novembro: 5º Primaria
  • Decembro: 4º Primaria
  • Xaneiro: 3º Primaria
  • Febreiro: 2º Primaria
  • Marzo: 1º Primaria
  • Abril: 6º Infantil
  • Maio: 5º Infantil
  • Xuño:4º Infantil

Así que xa temos o primeiro traballo dos compañeiros e compañeiras de sexto, que nos falan sobre David Mouriz. Quen é? Votade unha ollada!