FESTIVAL DE NADAL 2018

O Festival de Nadal foi todo un espectáculo con actuacións de moito nivel, onde a participación de todo o colexio foi moi destacada. Aquí vos deixo unha mostra neste symbaloo onde podedes ver todas as representacións.
Bo Nadal e Feliz Ano Novo!!!!

O GALEGO NAS NOSAS MANS: ALMANAQUES DE PETO 2019

Dende o  Equipo de Dinamización da Lingua Galega, queremos dar as grazas a todo o alumnado e aos titores e titoras, polo seu esforzo para levar a cabo a iniciativa Almanaques de Peto 2019, que está integrada no noso proxecto O GALEGO NAS NOSAS MANS 

Este ano o tema estivo vinculado a BO PROVEITO e cada un de vos, fixo un debuxo inspirado na alimentación saudable, destacando o importante que é comer ben.

De todos eses fantásticos traballos, tivemos que elixir só 14 representantes de todo o colexio e cuxos deseños están xa nos almanaques do 2019. Pero estade seguros e seguras de que todos e todas sodes gañadores deste gran concurso e de que o mellor premio é que fomos capaces de traballar en equipo a prol da nosa lingua. 

Non vos esquezades nunca de que o galego estas nas nosas mans e xa vos anuncio de que pronto faremos un libro con todos os traballos que repousara na Biblioteca.

Parabéns !!!

                                                       GAÑADORES E GAÑADORAS                                                      

Samuel López Castro 6ºA EI

Clara Piñeiro Chao 6ºB EI

Eva Calvo García 1ºA EP

Lois López Martínez 1ºB EP

Leo López Feal 2ºA EP

Mara Amenedo González 2ºB EP

Martina Casás Calvo 3ºA EP

Sara Piñeiro Ares 3ºB EP 

Jaime Vázquez Castro 4ºA EP

Miguel Couce Sanmartín 4ºB EP

Cristina Piñeiro Chao 5ºA EP

Ángel Seara Gómez 5ºB EP

Andrea Doval Calvo 6ºA EP

Rawyae Ben Malak 6ºB EP

Gañador@s e finalistas do concurso ALMANAQUES DE PETO 2019

AGASALLOS PARA NADAL 2018

 Este Nadal o Equipo de Biblioteca do Couceiro, presenta uns libros fantásticos para agasallar, que non deixan indiferente a ninguén pola súa variedade temática. Anímate e le sen parar, porque lendo non terás faltas de ortografía, ampliarás o teu vocabulario e sobre todo aprenderás a ter un mundo persoal co que vivir mais content@.
Tamén o Equipo de Dinamización,  compartimos os agasallos que presenta a Mesa pola Normalización e que, como cada ano, recolle diferentes agasallos en galego que en moitos casos utilizan materiais ecolóxicos.

Agasalla en galego, porque o GALEGO ESTÁ NAS TÚAS MANS!!!



Preme na imaxe

NADAL 2018 :O APALPADOR

O APALPADOR

Nas noites do 24 ou do 31 do decembro este home de barba rubia, de oficio carboeiro, que vive nas montañas, baixa as aldeas e cólase nas casas para apalpar as barriguiñas dos máis pequechos e ver si comen ben. Deixalles unha presa de castañas para que non pasen fame e un xoguete artesanal. O apalpador cólase na nosa escola para lembrarnos o valor dos agasallos que non se mercan con cartos e para desexarnos un bo ano cheo de felicidade e de fartura.

Preme no debuxo de Leandro Lamas, para ler as orixes do Apalpador



Seguidamente presentamos cantigas e recursos educativos, para que teñas presente a este personaxe tan importante da nosa cultura en estas datas de Nadal.
 Non te asustes se te toca a barriguiña para ver se tes fame!!!

 

PRATO DO MES DE DECEMBRO NO TABOLEIRO DA LINGUA

No Taboleiro da Lingua xa o BO PROVEITO conta cunha nova proposta culinaria da tempada, elaborada para este mes de Decembro por 4º de Primaria. Trátase da Lasaña de Cogomelos e cunha sobremesa de Nevadiños. Tentade facer esta proposta tan interesante que de seguro sorprenderá a todo o mundo.

Ánimo e seguide apostando por unha cociña saudable feita con moitas cores !!! 

O GALEGO NAS TÚAS MANS: ALMANAQUES DE PETO 2019

Éxito total na edición dos Almanaques de Peto 2019 que xa podedes ver no Taboleiro da Lingua, corredor principal do colexio, e que permanecerá ata o mes de xaneiro 2019.

Esta actividade consistente no deseño dun Almanaque de Peto do 2019 para repartir a todo o alumnado, profesorado e persoal non docente do colexio, foi valorada polo EDLG para a elección dos representantes que gañarán esta edición na que se estableceron cambios importantes para acadar que a actividade sumara no logro dos obxectivos que perseguimos no noso Proxecto do Uso do Galego.

Na edición do 2018-2019 establecemos unha convocatoria integradora, co PDI deste curso, adicado á alimentación saudable, que denominamos: BO PROVEITO.

Cada alumn@ fixo un debuxo relativo a esta temática en medio folio, sempre utilizando a nosa lingua en todo o escrito. 

A actividade realizouse no colexio, para garantir a igualdade de oportunidades e tamén se tivo en conta a igualdade de xénero, buscando un  número equivalente de nenos e de nenas.

@s 14 alumn@s que resulten gañadores ou gañadoras dos seis niveis de Educación Primaria e 6º de Educación Infantil desta convocatoria, recibirán 4 exemplares correspondentes aos seus propios traballos para compartir coas súas familias e recibirán un Diploma de recoñecemento polo seu  traballo. 

A entrega levarase a cabo no  Festival de Nadal 2018.

Parabéns a todo o alumnado pola súa participación e esforzo e grazas @s Titores e Titoras polo seu importante traballo e apoio. 

LEMOS @S MÁIS PEQUEN@S 2018

O Equipo de Dinamización da Lingua Galega (EDLG), en colaboración co Equipo de Biblioteca, segue a desenvolver a actividade LEMOS @S MÁIS PEQUEN@S, con novos equipos de alumn@s de 5º e 6º de primaria, que se achegan a ler contos en galego aos de educación infantil e 1º de educación primaria.

Grazas a tod@s polo voso esforzo!!!!  O galego está nas vosas mans!!!